உலகளவில் மூன்றில் ஒரு பங்கு ஸ்மார்ட்போன்களுக்கு அடிமை: கனடிய ஆய்வு

 

உலகில் மூன்றில் ஒரு பகுதியினர் ஸ்மார்ட் போன்களுக்கு அடிமையாகி இருப்பதாக கனேடிய ஆய்வு ஒன்று தெரிவிக்கிறது. அறிக்கையின்படி, இளைஞர்களிடையே ஸ்மார்ட்போன் பயன்பாடு அதிகமாக உள்ளது. 195 நாடுகளில் இருந்து 18 முதல் 90 வயதுக்குட்பட்ட 50,000 க்கும் மேற்பட்டவர்களிடம் நடத்தப்பட்ட ஆய்வில் இருந்து இந்த அறிக்கை தொகுக்கப்பட்டுள்ளது.டொராண்டோ மிசிசாகா பல்கலைக்கழகம், மெக்கில் பல்கலைக்கழகம் மற்றும் ஹார்வர்ட் பல்கலைக்கழக ஆராய்ச்சியாளர்கள் இந்த துறையில் மிகப்பெரிய ஆய்வு அறிக்கை என்று கூறுகின்றனர்.தற்போது இளைஞர்கள் தங்கள் வாழ்நாள் முழுவதும் ஸ்மார்ட்போன்களையே நம்பியிருக்கிறார்கள்.

 அவர்களின் போன் கிடைக்காத போது அவர்கள் பதட்டமாகவோ அல்லது கவலையாகவோ இருப்பதாகவும் ஆய்வு சுட்டிக்காட்டுகிறது. இண்டர்நேஷனல் ஜர்னல் ஆஃப் மென்டல் ஹெல்த் அண்ட் அடிக்ஷன் என்ற இதழில் வெளியிடப்பட்டுள்ள இந்த ஆய்வின் அறிக்கை, ஆசியாவின் சில பகுதிகளில் இதுபோன்ற பிரச்னைகள் அதிகம் இருப்பதாகவும் கூறுகிறது.கனடா முழுவதும் பொதுவாக ஆண்களை விட பெண்களுக்கு ஸ்மார்ட்போன் பயன்படுத்துவதில் அதிக பிரச்சனைகள் இருப்பதாக ஆய்வில் கண்டறியப்பட்டுள்ளது. ஆனால் வயதுக்கு ஏற்ப ஸ்மார்ட்போன் அடிமைத்தனம் குறைவதாக ஆய்வில் கண்டறியப்பட்டாலும், சில நாடுகளில் வேறுபாடுகள் இருப்பதாக ஆய்வில் தெரிவிக்கப்பட்டுள்ளது.ஆய்வில் பங்கேற்பாளர்களின் நாடுகளுக்கு இடையிலான ஒப்பீடுகள் மட்டுமே ஆய்வில் அடங்கும். அமெரிக்கா, கனடா மற்றும் பிரிட்டனைச் சேர்ந்தவர்கள் இந்த ஆய்வில் கலந்து கொண்டனர்.